कोशी प्रदेशमा सरकारी कामकाजको भाषासम्बन्धमा व्यवस्था गर्न बनेको विधेयकमाथि छलफल

कोशी प्रदेश सभा, सामाजिक विकास समितिले कोशी प्रदेशमा सरकारी कामकाजको भाषासम्बन्धमा व्यवस्था गर्न बनेको विधेयकमाथि छलफल कार्यक्रमको आयोजना गऱ्यो । वि.सं. २०८२ साल चैत २४ गते कोशी प्रदेश सभा सचिवालयमा सामाजिक विकास समितिका अध्यक्ष गयानन्द मण्डल गनगाईंको सभापातित्वमा भएको कार्यक्रममा कोशी प्रदेशका सामाजिक विकास मन्त्री माननीय राम प्रसाद महतोले कोशी प्रदेशमा सरकारी कामकाजको भाषासम्बन्धमा व्यवस्था गर्न बनेको विधेयक ल्याउनको उद्देश्य र कारण प्रष्ट पार्नुभएको थियो । त्यसपछि भाषा आयोगका माननीय सदस्य मातृका पोखरेलले कोशी प्रदेशमा सरकारी कामकाजको भाषासम्बन्धमा व्यवस्था गर्न बनेको विधेयकमाथि आफ्नो धारणा राख्नु भएको थियो । त्यसैगरी भाषा विज्ञ अम्बर जंग लिम्बु, सामाजिक विकास मन्त्रालयका प्रदेश सचिव श्री उद्धव प्रसाद रिजाल, मुख्यमन्त्री तथा मन्त्रिपरिषद्को कार्यालयका कानून प्रदेश सचिव राजु प्रसाद गुरागाईँ, सहायक महान्यायधिवक्ता सुदर्शन निरौला र आन्तरिक मामिला तथा कानून मन्त्रालयका कानून उपसचिव भोजराज दाहालले पनि विधेयकमाथि आफ्ना धारणाहरू राख्नुभयो । त्यसपछि प्रस्तुत विधेयकमाथि माननीय मन्त्री एकराज कार्की, प्रदेश सभाका माननीय सांसदहरू मा. राजेन्द्र कार्की, मा. गीता रेग्मी, मा. विद्याचाम्लिङ राई, मा. नमलाल धिमाल, मा. ममता, मा. निर्मला तावाले विधेयकका विविध पक्षहरूमाथि आफ्ना धारणाहरू सहित केही जिज्ञासा राख्नु भएको थियो । उठेका जिज्ञासामाथि भाषा आयोगका माननीय सदस्य मातृका पोखरेल र भाषाविद् अम्बरजंग लिम्बुले प्रष्ट पार्ने कोशिस गर्नुभएको थियो । कार्यक्रमको अन्तमा कोशी प्रदेश सभा सामाजिक विकास समितिका सभापति मा. गयानन्द मण्डल गनगाईंले विधेयकमाथि संशोधन प्रस्तुत गर्नुहुने कोशी प्रदेश सभाका माननीय सदस्यज्यूहरूसँग छलफल गरी आगामी अधिवेशनमा पारित गर्ने जानकारी गराउनु भयो ।

000