सरकारी कामकाजका भाषाहरू : भाषा आयोगको सिफारिस र कार्यान्वयनको अवस्था विषयमा भाषा आयोगले यही २०८३ असार ५ गते शुक्रबार विद्वत प्रवचनको कार्यक्रम आयोजना गऱ्यो । भाषा आयोगका माननीय सदस्य मातृका पोखरेलको सभापतित्वमा भएको कार्यक्रममा कार्यक्रमको विषयवस्तु र औचित्यमाथि माननीय सदस्य डा. पुष्करराज भट्टले धारणा राख्नु भएको थियो ।
कार्यक्रममा सरकारी कामकाजका भाषाहरू : भाषा आयोगको सिफारिस र कार्यान्वयनको अवस्था विषयमा भाषा आयोगका पूर्व अध्यक्ष डा. गोपाल ठाकुरले विचारपत्र प्रस्तुत गर्नुभएको थियो । विचारपत्रमाथि भाषा आयोगका सल्लाहकारद्वय रामावतार यादव, जीवेन्द्रदेव गिरीसहित भाषिक अभियन्ताहरू इन्द्रजित सहनी (बज्जिका), उमेश स्थापित (नेपाल भाषा), धनमान गुरुङ ( गुरुङ भाषा ), निरन्ती तुम्बापो ( याक्थुङ लिम्बु), लगायतका वक्ताहरूले आफ्ना जिज्ञासा एवम् कार्यान्वयनको अवस्थाका बारेमा आफ्ना विचारहरु राख्नुभएको थियो ।
कार्यक्रमको संचालन भाषा आयोगका उपसचिव विमला काफ्लेले गर्नुभएको थियो ।
ooo
